GUDDIGA DUGSIGA EE MPS

Waxaan muddo 27 sano ah ku jiray shaqada waxbarashada anigoo khibrad u leh waxbarista K-12 shan degmo oo kala duwan (labo ka mid ahna ay ku yaallaan Minnesota). In kasta oo inta badan muddadii aan macallin ahaan jiray ay ahayd macallin dhiga kulleej bulsho, waxaan shaqada macallinnimada ku billaabay macallin ku takhasusay waxbarashada gaarka ah, anigoo si toos ah ula shaqeynayay arday qabay caqabado dhanka shucuurta iyo dabeecadda ah. Waxaan soo dhigay Waxbarashada Gaarka ah, Bartayaasha Luuqadda Ingiriisiga, Cilmi-nafsiga, Waxbarashada (macallimiinta mustaqbalka), iyo Akhriska. Waxaan Minneapolis deganaa tan iyo 2007 waxaana MPS waalid ka ahaa tan iyo 2017, anigoo iska xilqaamay kana qaybqaatay labadaba golaha rugta dugsiga hoose iyo dugsiga dhexe. Adeegaygi kulleejka, waxaan soo qabtay doorar hoggaamineed anigoo shakhsi ah, anigoo ka tirsan guddi, iyo anigoo qayb ka ah hay’ad ballaaran oo ah maamul-wadaag.

Waxaan rabaa inaan u adeego bulshadayda iyo – si gaar ah – ardayda, qoysaska, macallimiinta, shaqaalaha taageerada, hoggaanka degmada, iyo dadka kale ee ay si toos ah u saameyso MPS. Dugsiyada dawliga ah waa inay noqdaan isha iftiinka oo aan ahayn ardayda oo kaliya, balse sidoo kale bulshada ku hareeraysan. Dugsi kasta dhexdiisa waxaa ku jira jiilka soo socda ee ganacsatada, muusikeysteyaasha, hadal jeediyeyaasha, la-taliyeyaasha dhaqaalaha, CEO-yada, hoggaamiyeyaasha aan macaash-doonka ahayn, tacliinta Waxbarashada Sare, shaqaalaha daryeelka caafimaadka, macallimiinta, iyo kuwa kale. Wakhtiga iyo kheyraadka aan maanta gelino waxay anfici doonaan dhammaan jiilal badan oo soo socda. Waxaan waxbadan la rabaa ubadkeenna hadda iyo mustaqbalkooda labadaba. Si taas loo sameeyo iyadoo aynu horay ugu soconno wakhtiga, xididada waxbarashada dawliga ah waa inay adkaadaan una koraan si xooggan.

Dugsiyada gaarka ah ayaa horeyba u lahaa madax-bannaani ballaaran oo ku saabsan mid kasta oo ka mid ah dhinacyadaan iyagoona aan lahayn wax faahfaahinno dheeraad ah, waxay ku xiran tahay arrinta. Waxay u badan tahay inay jiraan faa’iidooyin iyo khataro labadaba. Faahfaahin la’aan, ma hayo xogta loo baahan yahay in lagu gaaro go’aan xog ogaal ah oo laga fakaray.

Kordhinta diiwaangelinta waxay wax ku kordhin kartaa xalka miisaaniyadda, balse waxaa muhiim ah in MPS ay diiradda saarto oo ay daboosho baahiyaha ardayda ay hadda haystaan halkii ay qorsheyn lahaayeen ama ay maalgashan lahaayeen riyo ku saabsan dugsiyada MPS ee mustaqbalka. Haddii dugsiyada MPS ay baahiyaha ardaydooda hadda u daboolayaan qaababka ay tahay inuu u shaqeeyo nidaamka dugsiyada K-12, warkaas ayaa faafi doona. Halki ay ka tagi lahaayeen degmada, qoysasku waxay raadsan doonaan inay iska diiwaangeliyaan MPS. Intaa waxaa dheer, xiritaanada dugsiyada waa inay saaran tahay miiska. Waxaan sanado dhaafnay xilligii guddiga dugsiga iyo kormeeraha guud waajibiyeen CDD; tan iyo intaas, waxay u muuqataa in hoggaamiyeyaasha degmo ay doorteen inay dhinaca kale eegaan halkii ay ka qaadan lahaayeen go'aanka dhabta ah ee adag ee lagu saxayo degmada muuqaal ahaan. Waxaan u baahanahay inaan ka wada shaqayno inaan ka fogaano dib-u-dhac kale oo ku yimaada isbeddelka.

Mid kasta oo ka mid ah codadkaan wuxuu muhiim u yahay go’aamada ay gaaraan guddiga dugsiga. Ka ahaan qof deggan Minneapolis iyo waalid ka tirsan MPS, waxaan dan weyn ka leeyahay degmadan dugsiyada. Waxaan leeyahay qisadayda iigaarka ah, waxaana garowsanahay inay tahay qiso ka mid ah kumanaan qiso. Si ay gacan uga gaystaan go’aan qaadashada guddiga dugsiga, waxaan rabaa inaan maqlo qisooyinka dadka kale. Si taasi loo sameeyo, waxaan qorsheeyaa booqashooyin joogta ah oo aan ku tagayo dugsiyada guud ahaan degmada si aan u dhagaysto una indho-indheeyo khibradda ardayda. Waxaan ka-qaybgali doonaa kulamada PTA iyo golaha rugta marki la iga codsado iyo marki ay suurtagal tahay waxaana ku dhiirigelinayaa inay sidoo kale u adeegaan qaabkaan. Waan isu baahanahay hawshan si aan mustaqbal waara ugu dhisno dugsiyada MPS.

Walaac lama mid aha sida xaqiiqo. Immisa arday oo dhigata dugsiyada MPS ayuu akhriskoodu gaarsiisanayn heerka fasalka? Tusaale ahaan, ma degmado oo dhan baa mise waa dugsiyo gaar ah? Dhanka aragtida guddiga dugsiga, dhammaan walaacyada waa in la maqlaa, balse walaacu lama mid aha xaqiiqada. Waxaan sidoo kale ku dari lahaa in masuuliyadda guddiga dugsiga iyo mid kasta oo ka mid ah agaasimayaashiisa ay muhiim tahay in la fahmo. Waxaa jira xaddidaado badan iyadoona fikradda in guddiga dugsiga uu si toos ah u horumarin karo akhriska heerka fasalka ay tahay mid ka mid ah. Ka ahaan waalid iyo macallin horay akhriska uga dhigi jiray MPS, waxaan ka mid ahay "90%" ee arrintan ka walaacsan, waxaana u arkaa in xirfadda akhrisku ay tahay arrinta tacliimeed ee ugu muhiimsan ee u baahan in wax laga qabto degmadeenna.